ರಕ್ತಸಿಕ್ತ ರಹಸ್ಯದ ಭೀಕರ ಮುನ್ನುಡಿ
ಸ್ನೇಹಿತರೇ, ನಮಸ್ಕಾರ. ಇಂದು ನಾನು ನಿಮಗೆ ಹೇಳಹೊರಟಿರುವ ಘಟನೆ ಕೇಳಿದರೆ ನಿಮ್ಮ ಮೈ ಜುಂ ಎನ್ನೋದು ಗ್ಯಾರಂಟಿ. ಯಾವುದೇ ಹಾರರ್ ಸಿನಿಮಾ ಅಥವಾ ಕ್ರೈಂ ಥ್ರಿಲ್ಲರ್ ಕಾದಂಬರಿಗಿಂತಲೂ ಭಯಾನಕವಾದ ಕಥೆಯಿದು. ನಾವು ವಾಸಿಸುವ ಮನೆಯೇ ನಮಗೆ ಸುರಕ್ಷಿತ ತಾಣ ಅಂದುಕೊಳ್ಳುತ್ತೇವೆ. ಆದರೆ, ಅದೇ ಮನೆಯ ಹಾಲ್ನ ನೆಲದ ಅಡಿಯಲ್ಲಿ ಮೂರು ಹೆಣಗಳು ಹೂತುಹೋಗಿವೆ ಎಂದರೆ ನೀವು ನಂಬುತ್ತೀರಾ? ನಮ್ಮ ಹೆಮ್ಮೆಯ ಕರ್ನಾಟಕದ ವಿಜಯನಗರ ಜಿಲ್ಲೆಯ ಕೊಟ್ಟೂರಿನಲ್ಲಿ ನಡೆದ ಈ ಘಟನೆ ಇಡೀ ರಾಜ್ಯವನ್ನೇ ನಡುಗಿಸಿದೆ.
ಹೆತ್ತವರನ್ನು ಮತ್ತು ಒಡಹುಟ್ಟಿದ ತಂಗಿಯನ್ನೇ ಮುಗಿಸಿ, ಅದೇ ಮನೆಯಲ್ಲಿ ನಾಟಕವಾಡಿದ ಆ ಪಾಪಿ ಮಗ ಯಾರು? ಪೊಲೀಸರನ್ನೇ ಯಾಮಾರಿಸಲು ಹೋಗಿ ಆತ ಸಿಕ್ಕಿಬಿದ್ದಿದ್ದು ಹೇಗೆ? ಆ ರೋಚಕ ವಿವರ ಇಲ್ಲಿದೆ…
ಈ ಕರಾಳ ಕಥೆ ಶುರುವಾಗುವುದು ಬೆಂಗಳೂರಿನ ತಿಲಕನಗರ ಪೊಲೀಸ್ ಠಾಣೆಯಲ್ಲಿ. ಒಬ್ಬ 24 ವರ್ಷದ ಯುವಕ, ಕಣ್ಣಲ್ಲಿ ಗಾಬರಿ ಹೊತ್ತು ಪೊಲೀಸರ ಮುಂದೆ ಬಂದು ನಿಲ್ಲುತ್ತಾನೆ. ಅವನ ಹೆಸರು ಅಕ್ಷಯ್. “ಸರ್, ನನ್ನ ತಂದೆ, ತಾಯಿ ಮತ್ತು ತಂಗಿ ಬೆಂಗಳೂರಿನ ಜಯದೇವ ಆಸ್ಪತ್ರೆಗೆ ಬಂದಿದ್ದರು. ಈಗ ಅವರ ಫೋನ್ ಸ್ವಿಚ್ ಆಫ್ ಆಗಿದೆ, ದಯವಿಟ್ಟು ಹುಡುಕಿಕೊಡಿ” ಎಂದು ಅಳುತ್ತಾನೆ. ಪಾಪ, ಮನೆಯವರೆಲ್ಲಾ ನಾಪತ್ತೆಯಾಗಿದ್ದಾರೆಂದು ಮರುಗುವ ಮಗನನ್ನು ಕಂಡು ಯಾರಿಗಾದರೂ ಅಯ್ಯೋ ಅನ್ನಿಸದೇ ಇರುತ್ತದೆಯೇ?
ಆದರೆ, ಕಳ್ಳನ ಮನಸ್ಸು ಉಳ್ಳುಳ್ಳೆ ಎಂಬಂತೆ ಅಕ್ಷಯ್ ಆಡುತ್ತಿದ್ದ ನಾಟಕದಲ್ಲಿ ಒಂದು ಸಣ್ಣ ಎಡವಟ್ಟಾಗಿತ್ತು. ಅವನು ಮಾತಾಡುವಾಗ ನಾಲಿಗೆ ತೊದಲುತಿತ್ತು ಮತ್ತು ಅತಿಯಾಗಿ ಬೆವರುತ್ತಿದ್ದ. ನಮ್ಮ ಪೊಲೀಸರು ಕ್ರಿಮಿನಾಲಜಿ ಓದಿದವರು, ಎಂತಹ ಘಾತುಕ ಹಾವಭಾವಗಳನ್ನಾದರೂ ಸೆಕೆಂಡುಗಳಲ್ಲಿ ಪತ್ತೆ ಮಾಡುತ್ತಾರೆ. ಅಕ್ಷಯ್ ಹೇಳುತ್ತಿದ್ದ ಕಥೆಯಲ್ಲಿ ಅವರಿಗೆ ಏನೋ ವ್ಯತ್ಯಾಸ ಕಾಣಿಸತೊಡಗಿತು. ಪೊಲೀಸರು ಆತನನ್ನು ರಿವರ್ಸ್ ವಿಚಾರಣೆಗೆ ಒಳಪಡಿಸಿದಾಗ ಅಕ್ಷಯ್ ಕಟ್ಟಿದ್ದ ಸುಳ್ಳಿನ ಕೋಟೆ ಕುಸಿಯತೊಡಗಿತು. ಅಂತಿಮವಾಗಿ ಆತ ಬಾಯ್ಬಿಟ್ಟ ಸತ್ಯ ಕೇಳಿ ಪೊಲೀಸರೇ ಒಂದು ಕ್ಷಣ ಬೆಚ್ಚಿಬಿದ್ದರು!
ಮನೆಯೊಳಗಿನ ಸಮಾಧಿ ಮತ್ತು ‘ದೃಶ್ಯಂ’ ಸಿನಿಮಾ ಮಾದರಿಯ ಸಂಚು
ಅಕ್ಷಯ್ ಬಾಯ್ಬಿಟ್ಟ ಸತ್ಯ ಕೇಳಿ ತಕ್ಷಣ ತಿಲಕನಗರ ಪೊಲೀಸರು ಕೊಟ್ಟೂರು ಪೊಲೀಸರಿಗೆ ಮಾಹಿತಿ ನೀಡುತ್ತಾರೆ. ಅವರು ಅಕ್ಷಯ್ ವಾಸವಿದ್ದ ಬಾಡಿಗೆ ಮನೆಗೆ ಹೋಗಿ ನೋಡಿದಾಗ ಅಲ್ಲಿನ ದೃಶ್ಯ ಸಂಶಯಾಸ್ಪದವಾಗಿತ್ತು. ಮನೆಯ ಹಾಲ್ ನ ನೆಲದಲ್ಲಿದ್ದ ಟೈಲ್ಸ್ಗಳನ್ನು ಕಿತ್ತು ಮತ್ತೆ ಅಳವಡಿಸಿದಂತಿತ್ತು. ಆ ನಾಲ್ಕು ಗೋಡೆಗಳ ಮಧ್ಯೆ ನಡೆದಿದ್ದ ಆ ಕ್ರೌರ್ಯದ ಕುರುಹುಗಳು ಅಲ್ಲಿ ಎದ್ದು ಕಾಣುತ್ತಿದ್ದವು. ಪೊಲೀಸರ ಅನುಮಾನ ನಿಜವಾಗಿತ್ತು.
ಅಕ್ಷಯ್ ಹೂಡಿದ್ದ ಸಂಚು ಅದೆಷ್ಟು ಭಯಾನಕವಾಗಿತ್ತೆಂದರೆ, ಆತ ಮನೆಯ ಹಾಲ್ನಲ್ಲೆ 4 ಅಡಿ ಆಳದ ಗುಂಡಿ ತೋಡಿದ್ದ. ಮೊದಲು ತಾಯಿ ಮತ್ತು ತಂಗಿಯ ದೇಹವನ್ನು ಒಳಗಿಳಿಸಿ, ಆಮೇಲೆ ತಂದೆಯ ದೇಹವನ್ನು ತುರುಕಲು ಯತ್ನಿಸಿದ್ದ. ಆದರೆ ತಂದೆಯ ದೇಹ ದೊಡ್ಡದಾಗಿದ್ದರಿಂದ ಆತ ಮಾಡಿದ ವಿಕೃತಿ ಅಷ್ಟಿಷ್ಟಲ್ಲ, ಅದನ್ನು ವಿವರಿಸುವುದಕ್ಕೂ ನಮಗೆ ಅಸಾಧ್ಯ. ಈ ಇಡೀ ಕೃತ್ಯ ಸಿನಿಕತನದ ಪರಮಾವಧಿಯಾಗಿತ್ತು.
ಈ ಕ್ರೈಂ ಮಾಸ್ಟರ್ ಮೈಂಡ್ ಅಕ್ಷಯ್ ತಲೆಯಲ್ಲಿ ಓಡುತ್ತಿದ್ದುದು ‘ದೃಶ್ಯಂ’ ಸಿನಿಮಾ ಮಾದರಿಯ ಪ್ಲಾನ್! ಎಲ್ಲೋ ಹೊರಗಡೆ ಹೂತುಹಾಕಿದರೆ ಸಿಕ್ಕಿಬೀಳುವ ಭಯವಿರುತ್ತದೆ, ಆದರೆ ದಿನಾ ಓಡಾಡುವ ಮನೆಯೊಳಗೇ ಹೂತು ಮೇಲೆ ಟೈಲ್ಸ್ ಹಾಕಿದರೆ ಯಾರಿಗೆ ಸಂಶಯ ಬರುತ್ತದೆ ಎಂದು ಆತ ಯೋಚಿಸಿದ್ದ. ಈತ ಕೊಲೆ ಮಾಡಿದ್ದು 26ನೇ ತಾರೀಕು ರಾತ್ರಿ, ದೂರು ಕೊಡಲು ಬಂದಿದ್ದು 27ಕ್ಕೆ. ಅಂದರೆ ಹೆಣಗಳ ಮೇಲೆ ನಡೆದಾಡುತ್ತಾ ಒಂದು ದಿನ ಕಳೆದಿದ್ದ ಈ ಮೃಗ!
ಸಂಬಂಧಿಕರು ಫೋನ್ ಮಾಡಿದಾಗಲೂ ಅಕ್ಷಯ್ ಕೂಲ್ ಆಗಿಯೇ ಸುಳ್ಳು ಹೇಳುತ್ತಿದ್ದ. “ತಂಗಿ ಹಾಸ್ಪಿಟಲ್ನಲ್ಲಿ ವಿಡಿಯೋ ಮಾಡ್ತಿದ್ಲಂತೆ, ಅದಕ್ಕೆ ಆಸ್ಪತ್ರೆಯವರು ಫೋನ್ ಕಿತ್ತುಕೊಂಡಿದ್ದಾರೆ” ಎಂದು ಕಟ್ಟುಕಥೆ ಹೇಳಿ ಎಲ್ಲರನ್ನೂ ನಂಬಿಸಿದ್ದ. ಆದರೆ ಸತ್ಯ ಬಹಳ ದಿನ ಅಡಗಿರಲು ಸಾಧ್ಯವೇ? ಇಂದು ಆ ಹಾಲಿನ ಗುಂಡಿಯಿಂದ ಒಂದೊಂದೇ ದೇಹಗಳನ್ನು ಹೊರತೆಗೆಯುವಾಗ ಸಂಬಂಧಿಕರ ಮತ್ತು ಸ್ಥಳೀಯರ ಆಕ್ರೋಶ ಮುಗಿಲು ಮುಟ್ಟಿತ್ತು.
ಈ ಹತ್ಯಾಕಾಂಡಕ್ಕೆ ಅಸಲಿ ಕಾರಣವೇನು? ಕಟು ಸತ್ಯಗಳು
ಮೂಲತಃ ಚಿತ್ರದುರ್ಗದ ಈ ಕುಟುಂಬ ಟೈರ್ ಬಿಸಿನೆಸ್ ಮಾಡಿಕೊಂಡಿತ್ತು. ತಂದೆ ಭೀಮರಾಜ್, ಮಗಳು ಅಮೃತ ಮತ್ತು ತಾಯಿ ಎಲ್ಲರೂ ಅಕ್ಷಯ್ ಜೊತೆ ಚೆನ್ನಾಗಿಯೇ ಇದ್ದರು. ಹಣಕಾಸಿನ ತೊಂದರೆಯೂ ಇರಲಿಲ್ಲ. ಆದರೆ ಈ ಸುಂದರ ಕುಟುಂಬಕ್ಕೆ ಬೆಂಕಿ ಬಿದ್ದಿದ್ದು ಅಕ್ಷಯ್ಗೆ ಅಂಟಿದ್ದ ದುಶ್ಚಟಗಳಿಂದ! ಡ್ರಗ್ಸ್ ನಶೆ ಮತ್ತು ಆನ್ಲೈನ್ ಬೆಟ್ಟಿಂಗ್ ಹುಚ್ಚು ಅಕ್ಷಯ್ನನ್ನು ಮನುಷ್ಯತ್ವವಿಲ್ಲದ ರಾಕ್ಷಸನನ್ನಾಗಿ ಮಾಡಿತ್ತು.
ಈ ಭೀಕರ ಹತ್ಯೆಗೆ ಮೂಲ ಕಾರಣ ‘ಹಣ’. ಇವರು ಜಗಳೂರು ಭಾಗದಲ್ಲಿ ಒಂದೂವರೆ ಕೋಟಿ ಮೌಲ್ಯದ ಮನೆಯನ್ನು ಮಾರಾಟ ಮಾಡಿದ್ದರು. ಆ ಹಣದಲ್ಲಿ 40 ಲಕ್ಷ ರೂಪಾಯಿಯನ್ನು ಪಿಯುಸಿ ಓದುತ್ತಿದ್ದ ತಂಗಿ ಅಮೃತನ ಹೆಸರಲ್ಲಿ ಎಫ್ಡಿ (FD) ಇಟ್ಟಿದ್ದರು. ಇದನ್ನು ಅಕ್ಷಯ್ಗೆ ಸಹಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. “ನಾನು ದುಡಿದಿದ್ದರಲ್ಲಿ ಅವಳಿಗೇಕೆ ಪಾಲು?” ಎಂಬ ಅಸೂಯೆ ಅವನನ್ನು ಕಾಡತೊಡಗಿತ್ತು. ತಂಗಿಯ ಮದುವೆಗೆಂದು ಮೀಸಲಿಟ್ಟ ಹಣದ ಮೇಲೆ ಈತನ ಕಣ್ಣು ಬಿದ್ದಿತ್ತು.
ಪೊಲೀಸರು ಇನ್ನೊಂದು ಆಯಾಮದಲ್ಲೂ ತನಿಖೆ ನಡೆಸುತ್ತಿದ್ದಾರೆ. ತಂಗಿ ಅಮೃತ ಯಾರನ್ನೋ ಪ್ರೀತಿಸುತ್ತಿದ್ದಳಂತೆ, ಅದಕ್ಕೆ ಮನೆಯವರ ಒಪ್ಪಿಗೆಯೂ ಇತ್ತಂತೆ. ಆದರೆ ಈ ಮದುವೆ ವಿಷಯವೂ ಅಕ್ಷಯ್ಗೆ ಇಷ್ಟವಿರಲಿಲ್ಲ ಎನ್ನಲಾಗಿದೆ. ದುಡ್ಡು ಮತ್ತು ಅಹಂಕಾರದ ಮಧ್ಯೆ ಸಿಲುಕಿದ ಅಕ್ಷಯ್, ಮೊದಲು ಮನೆಯವರಿಗೆಲ್ಲಾ ಮೂರ್ಛೆ ಹೋಗುವಂತೆ ಮಾಡಿ, ಆಮೇಲೆ ಹರಿತವಾದ ಆಯುಧದಿಂದ ಎಲ್ಲರ ಪ್ರಾಣ ಹಕ್ಕಿ ಹಾರುವಂತೆ ಮಾಡಿದ್ದಾನೆ.
ಸ್ನೇಹಿತರೇ, ಈ ಘಟನೆಯಿಂದ ನಾವು ಕಲಿಯಬೇಕಾದ ಪಾಠ ಒಂದೇ. ಡ್ರಗ್ಸ್ ಮತ್ತು ಈ ಬೆಟ್ಟಿಂಗ್ ಹವ್ಯಾಸಗಳು ಒಬ್ಬ ಸಾಮಾನ್ಯ ವ್ಯಕ್ತಿಯನ್ನು ಎಂತಹ ಕ್ರೂರಿಯನ್ನಾಗಿ ಮಾಡಬಲ್ಲವು ನೋಡಿ. ಆನ್ಲೈನ್ ಗೇಮ್ಗಳಲ್ಲಿ ಹಣ ಕಳೆದುಕೊಂಡು, ನಶೆಗಾಗಿ ಹೆತ್ತವರನ್ನೇ ಬಲಿ ಕೊಟ್ಟ ಈತನಿಗೆ ಯಾವ ಶಿಕ್ಷೆಯಾಗಬೇಕು? ಇಂತಹ ಘಟನೆಗಳು ಮತ್ತೆ ನಡೆಯದಂತೆ ಸಮಾಜ ಎಚ್ಚೆತ್ತುಕೊಳ್ಳಬೇಕಿದೆ. ನಿಮ್ಮ ಅನಿಸಿಕೆಯನ್ನು ಕಾಮೆಂಟ್ ಬಾಕ್ಸ್ನಲ್ಲಿ ತಿಳಿಸಿ. ನಮ್ಮ Insider Kannada ಫಾಲೋ ಮಾಡಲು ಮರೆಯಬೇಡಿ. ಧನ್ಯವಾದಗಳು.
About the Author
